Lakota Language Initiative

Toháŋtuka waŋ, ptáŋ núm čhiyékičhiyapi čha mniwáŋča él nuŋwáŋpi na líla oíyokiphi yuhápi.

Uŋmá tȟokápȟa kiŋ hé mniwátu waŋ é na hoškéhaŋ núm ób nuŋwe.      

Hakákta kiŋ hé hoápe pȟéstola kiŋ ináȟmewičhakhiyé. Héčhel waŋyáŋkapi okíhipi šni.

Čhiyéku kiŋ waná mniwáŋča khéya ób nuŋwé.

Na akhé iyé suŋkákula kiŋ blóza kiŋyáŋ hiyáyapi waŋwíčhayaŋke.

Tȟokápȟa kiŋ waná mní kȟázela él hoǧáŋ óta ób nuŋwé. Khiyéla mniwáŋča matúgna thiníča waŋ é na istó šaǧlóǧaŋ waŋ škátapi.

Hakákta kiŋ óhuta él thukí wičháyuha škátiŋ na čhasmú thípila káǧa-he.